[亂買美妝] Anna sui 魔幻胭脂 #301♥♥

其實我想要Anna Sui嘅胭脂好耐,
一直朝思暮想都只有1個色號 哈哈

最近終於都入手左喇!





就係魔幻胭脂#301



外殼塑膠感比較重

本身我都覺得Anna sui包裝風格係比較公主

不過有JS對比之下
Anna sui應該叫做魔女風格!



我好鍾意有附掃嘅胭脂, 感覺好貼心!!

唔洗再買, 又要搵地方放=_=
帶出門又唔方便果d, 麻麻煩煩咁

雖然佢細細地, 但係夠好用!

摸起黎幾滑, 而且又唔吉臉

抓粉力唔算好高, 但係其實又ok, 多擦次就得嘛
可以容易搽得均勻~

無飛粉問題

重點係佢呢款胭脂好難失手, 即係好易搽!



可濃可淡嘅顏色, 新手幾岩用((即係我

我覺得任何膚色都襯, 都用得到
唔難carry!

而且唔帶珠光/閃粉,
非常自然嘅好氣息~~~~ 我好鍾意呀~~~~

持久力比JS好,

我7點到試上臉,返到屋企都10點幾11點
仲KEEP到喎>< 差唔多時間 JS幾乎係甩哂.......

我覺得上臉係偏紅, 又有帶少少蜜桃色

同我其他胭脂相比隻色真係自然好多,
我幾乎全部都係啲造作到死嘅粉紅色 哈哈哈哈


手上試色 (anna sui301暫無臉上試色)

#301係甜美珊瑚色!

紅感比較重, 

有少少橙色但係一啲都唔明顯

自然好氣息帶少少可愛感
非常親切嘅顏色呀!!

愈睇愈鍾意哈

有帶甜甜地嘅香味, 有少少似係果香
我個人幾鍾意, 用果時順便會聞多幾下
心情都好啲 哈哈

另外我想提一提嘅係



我遇到嘅Anna sui姐姐非常nice! 朗豪坊西武

果段時間只有佢一個人,其他人去左食飯 
加上突然之間黎左非常非常多人
佢非常有耐性, 而且有禮貌~

買得好開心>< 可惜唔知佢叫咩名, 但係我係星期2去架!

 而且佢幫補粉嘅時候
我覺得佢地個fdt都好似好好用咁, 幾自然><